வகுப்பு :12
அகமதிப்பீடு தேர்வு
ஞாயிறு, 30 நவம்பர், 2025
புதன், 26 நவம்பர், 2025
டிசம்பர் முதல் வார தமிழ் மாதிரி பாடக் குறிப்பு வகுப்பு :11
நாள் : 01:12:2025 முதல் 05:12:25
பாடம் :தமிழ்
தலைப்பு : அயல் நாட்டவரின் அருந்தமிழ் பணி மெய்ப்பு திருத்த குறியீடு
வகுப்பு : மேல்நிலை முதலாம் ஆண்டு
கற்றல் நோக்கம்
- தமிழ்மொழியால் ஈர்க்கப்பட்டு, அதன் சிறப்புகளை உலகமெலாம் கொண்டுசென்ற அறிஞர்களின் அரும்பணிகளைப் போற்றல்.
- பிழையின்றி எழுதுவதற்கும் பிழைகளைத் திருத்தி எழுதுவதற்கும் பயிற்சி பெறுதல்.
கற்பித்தல் துணைக்கருவிகள்
- விளக்கப்படம் இணைய வளங்கள்
ஆர்வமூட்டல்
- தமிழின் பெருமையை கூறு.
- தமிழ் வளர்த்த சான்றோர் சிலரைக் கூறு.
- பிழை திருத்தம் செய்யும் பணிகள் சிலவற்றை கூறு.
- இது போன்ற வினாக்கள் கேட்டு ஆர்வமுறச் செய்தல்.
கற்பித்தல் செயல்பாடு
- இலக்கிய வளமும் இலக்கண ஆழமும் கொண்ட மொழிகளுள் ஒன்று தமிழ்மொழி. நம் மொழிக்கு காலந்தோறும் அளப்பரிய தொண்டுகளைச் செய்தவர்கள் பலர். இவர்களுள் சிலர் தமிழ்நாட்டிற்கு வருகைதந்து, காலத்தால் அழியாத தலைசிறந்த தமிழ்ப் பணிகளைச் செய்துள்ளனர். மேலும், அயலகத்தில் வாழும் நம் தமிழ் உறவுகளும் அன்னைத் தமிழுக்கு அருந்தொண்டாற்றியுள்ளனர் என்பதை விளக்குதல்
மெய்ப்பு திருத்தக்குறியீடு
- எதிர்காலத்தில் மாணவர்களின் வாழ்க்கைக்கு வழிகாட்டும் வகையில் அமையும். தமிழ்மொழியைக் கற்பதோடு நில்லாமல் தமிழ்சார்ந்த பிற பணிகளிலும் தம்மை முழுமையாக ஈடுபடுத்திக் கொள்ளவேண்டும். இந்நிலையில் அச்சுப்படித் திருத்தக் குறியீடுகளை அறிந்து பிழைத்திருத்தம் செய்யும் இப்பயிற்சியானது மாணவர்களின் வேலைவாய்ப்பிற்கு உதவும் என்பதை விளக்குதல்.
கற்றல் செயல்பாடு
- விரிவானம் பகுதியை வாசித்தல்
- குறியீடுகளையும் அதற்குரிய குறியீட்டு பொருளையும் எழுதி பயிற்சி எடுத்தல்
கற்றல் விளைவு
- அயல் நாட்டவர்கள் தமிழுக்கு ஆற்றிய தொண்டை அறிந்து நாமும் தமிழை வளர்க்க முற்பட வேண்டும் என்று கற்றுக் கொள்வர்
- மெய்ப்பு திருத்தக் குறியீடுகளை அறிந்து எளிய முறையில் பிழை திருத்தம் செய்ய கற்றுக் கொள்வர்
குறைதீர்க் கற்றல்
- சில வினாக்கள் கேட்டு விடையளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- ஜி யு போப் ஆங்கிலத்தில் மொழி பெயர்த்த தமிழ் நூல்கள்......
- முதன் முதலில் அச்சான இந்திய மொழி....
நசிவி
- அயல் நாட்டவர்கள் எழுதிய நூல்கள் சிலவற்றைக் கூறு
- மெய்ப்பு திருத்த குறியீடுகளின் வகைகளைக் கூறு
உசிவி
- அயல் நாட்டவர்களின் அருந்தமிழ் பணியைத் தொகுத்து எழுதுக.
- மெய்ப்பு திருத்த குறியீடுகளின் வகைகளுடன் குறியீட்டுப் பொருளையும் விளக்குக.
தொடர்பணி
- உங்கள் பள்ளி நூலகத்தில் இடம் பெற்று இருக்கக்கூடிய அயல் நாட்டவர்களின் நூல்களைப் பட்டியலிடுக
வகுப்பு :12 மாதிரி பாடக்குறிப்பு டிசம்பர் முதல் வாரம்
நாள் : 01:12:2025 முதல் 5.12.25
பாடம் :தமிழ்
தலைப்பு : கோடை மழை, தொன்மம்
வகுப்பு : மேல்நிலை இரண்டாம் ஆண்டு
கற்றல் நோக்கம்
- சிறுகதையின் வாயிலாக வெளிப்படுத்தப்படும் மனிதநேயத்தை உணர்ந்து படைப்பாக்கத் திறன் பெறுதல்.
- தொன்மங்களைப் பற்றிப் படித்தறிந்து படைப்புகளில் பயன்படுத்தும் திறன் பெறுதல்.
கற்பித்தல் துணைக்கருவிகள்
- விளக்கப்படம், இணைய வளங்கள்
ஆர்வமூட்டல்
- பருவக்காலங்கள் எவை?
- பழமை என்றால் என்ன?
- இது போன்ற வினாக்கள் மூலம் ஆர்வமுறச் செய்தல்
கற்பித்தல் செயல்பாடு
- குழந்தைகள் பெற்றோரால் கொண்டாடப்படுகிறார்கள். ஆனால், தாய் தந்தை இல்லாத ஏதிலிக் குழந்தைகளின் நிலை மிகக் கொடியதாகும். அக்குழந்தைகளை ஏற்று வளர்க்கும் மனிதப் பண்பு வரவேற்கப்பட வேண்டிய ஒன்று. பிள்ளைகள் இல்லாத முதியோர்களும் இத்தகைய ஏதிலி நிலையில் தவிப்பவர்கள்தான். அவர்களையும் ஏற்று அரவணைப்பவர்கள் மனிதத்தை மேம்படுத்துபவர்களே என்பதை கதை வழி விளக்குதல்
- தொன்மம் (myth) என்றால் பழங்கதை, புராணம் என்றெல்லாம் பொருள் உள்ளது. தொல்காப்பியர் குறிப்பிடும் வனப்புகளுள் 'தொன்மை' என்பதுவும் ஒன்றாகும். காலம்காலமாக உருவாக்கப்பட்டு இறுகிவிட்ட கருத்து வடிவங்களும் தொன்மங்களே. தொன்மம் என்னும் சொல் இவை அனைத்தையும் குறிக்கும். ஆனால், கவிதையில் அது பழங்கதையைத் (புராணத்தை) துணையாகக் கொண்டு ஒரு கருத்தை விளக்குவதையே குறிக்கிறது.
கற்றல் செயல்பாடு
- கதைபகுதியை வாசித்தல்
- தொன்மம் வெளிப்படும் தொடர்கள் சிலவற்றை வகுப்பில் கலந்துரையாடுதல்.
கற்றல் விளைவு
- மனிதநேயத்தோடு நடக்க கற்றுக்கொள்வர்
- கதையின் கருப்பொருளை அறிந்து வாசிக்க முற்படுவர்
குறைதீர்க் கற்றல்
- கருப்பொருள் மாறாமல் கதையை மீண்டும் ஒருமுறை சுருக்கி கூறுதல்.
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- 1. கோடை மழை கதை வெளிவந்த இதழ் எது?
- 2. ஜெயமோகன் கதையில் இடம்பெறும் தொன்மம் எது?
நசிவி
- சாந்தாதத் குறிப்பு வரைக
- தொன்மம் என்றால் என்ன?
உசிவி
- கோடை மழை கதையில் வெளிப்படும் மனிதநேய பண்புகளை விளக்குக.
- தொன்மம் அடிப்படையில் எழுதப்பட்ட கதைகளையும் கதை ஆசிரியர்களையும் குறிப்பிடு
தொடர்பணி
- பொதுவெளியில் நீ கண்டு களித்த மனிதநேய நிகழ்வை வகுப்பறையில் பகிர்க.
திங்கள், 24 நவம்பர், 2025
வெள்ளி, 21 நவம்பர், 2025
வியாழன், 20 நவம்பர், 2025
நவம்பர் 5 வது வாரம் தமிழ் மாதிரி பாடக்குறிப்பு வகுப்பு :11
நாள்
- 24/11/25 முதல் 29/11/25
வகுப்பு
- மேல்நிலை முதலாம் ஆண்டு
பாடம்
- தமிழ்
- தலைப்பு
- காற்றில் கலந்த பேரோசை,
- புரட்சிக் கவி, அதிசய மலர்
கற்றல் நோக்கம்
- கருத்துகளைத் தொகுத்துக் கட்டுரையாக்கும் திறன் பெறல்.
- கவிதையில் வெளிப்படுத்தப்படும் புரட்சிக் கருத்துகளின் நயம் அறிந்து சுவைத்தல்.
- மீண்டெழும் ஒரு சமூகத்தின் மனவெழுச்சிகளைக் கவிதைகளாக வெளிப்படுத்தும் திறன் பெறுதல்.
கற்பித்தல் துணைக்கருவிகள்
- விளக்கப்பட அட்டைகள் இணைய வளங்கள்
ஆர்வமூட்டல்
- உனக்குத் தெரிந்த பேச்சாளர்கள் சிலரை குறிப்பிடு
- இக்கால காப்பியங்கள் சிலவற்றை கூறு
- புலம்பெயர்தல் என்றால் என்ன
- இது போன்ற வினாக்கள் மூலம் ஆர்வமுறச் செய்தல்
கற்பித்தல் செயல்பாடு
- அரசியல் சிந்தனையிலும் பொதுவுடைமை சிந்தனையிலும் கூர்வாளாய் மெருகேற்றிக் கொண்டவர் ஜீவா என்று அழைக்கப்படும் ஜீவானந்தம் இவர் தொடக்கத்தில் காந்தியவாதியாகவும் பிறகு சுயமரியாதை இயக்க போராளியாகவும் பொதுவுடமை இயக்கத் தலைவராகவும் செயல்பட்டவர். சிறந்த தமிழ் பற்றாளர் எளிமையின் அடையாளமாக திகழ்ந்தவர். சிறந்த பேச்சாளர். மேடையில் வாழ்ந்த மனிதர் நெஞ்சோடு வளர்ந்த கனவு கொள்கையும் நம்பிக்கையும், பேச்சு நடை, இரண்டு கைப்பிடி விஷயங்கள், பசுமையான எண்ணங்கள், ஆற்றில் விழுந்த இலை போன்ற தலைப்புகளை விளக்குதல்.
புரட்சிக்கவி
- மக்களாட்சிக்கு முன்பு வரை சட்டம், நிருவாகம், நீதி ஆகியவை அரசனிடம் குவிந்து இருந்தன. இந்நிலை சிறிது சிறிதாக மக்கள் புரட்சியால் மாற்றப்பட்டு தற்பொழுது மக்களாட்சி முறை பல்வேறு நாடுகளில் மலர்ந்து உள்ளது.. அப்படி புரட்சியில் ஈடுபட்ட ஒரு புரட்சிக்கவி பற்றி விளக்குதல்.
அதிசயமலர்
- குண்டு மழை பொழிந்து நிலங்கள் அளிக்கப்பட்டு,மனிதர்கள் சிதறி ஓட,அழிக்கப்பட்ட தாய் மண்ணில் பூ ஒன்று மலர்கிறது. அந்தப் பூவின் புன்னகை நாடு பற்றிய நம்பிக்கையைச் சிதறிய மனிதரிடையே பரப்புகிறது என்பதை கவிதை வழி விளக்குதல்
கற்றல் செயல்பாடு
- மேடைப் பேச்சாளர்கள் குறித்து கலந்துரையாடுதல்
- இன்றைய சூழலில் தேவைப்படும் புரட்சி சிந்தனைகள் குறித்து கலந்துரையாடுதல்
- புலம்பெயர்தலால் ஏற்படும் தாக்கம் குறித்து கலந்துரையாடுதல்
கற்றல் விளைவு
- சுருங்கச் சொல்லி விளங்க வைக்கும் பண்பைக் கற்றுக் கொள்வர்.
- அநீதி நடைபெறும் போது அதை தட்டிக் கேட்க கற்றுக் கொள்வர்.
- போரினால் ஏற்படும் விளைவுகளை உணர்ந்து வன்முறை தவிர்க்கக் கற்றுக் கொள்வர்.
குறைதீர்க் கற்றல்
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- காற்றில் கலந்த பேரோசை யார் எழுதியது
- புரட்சிக்கவி ஆசிரியர் யார்
- அதிசய மலர் இடம்பெற்ற கவிதை தொகுப்பு எது
நசிவி
- தமிழ் நதி குறிப்பு வரைக
- பாரதிதாசன் குறிப்பு வரைக
- ஜீவானந்தத்தின் பேச்சாற்றல் குறித்து கூறு.
உசிவி
- என் வாழ்வு என் கைகளில் என்று நம்பிய ஜீவானந்தத்தின் கருத்துகள் சிலவற்றை கூறு
- புரட்சிக்கவி கதை சுருக்கத்தைக் கூறுக.
- அதிசய மலர் பூச்செடி எவ்வாறு முளைத்ததாக தமிழ் நதி கூறுகிறார்
தொடர்பணி
- நான் விரும்பும் நாட்டுக்குழைத்த தலைவர் மேடைப்பேச்சுகளை கேட்டு கருத்துரை தயாரிக்க.
- பாரதிதாசனரின் புரட்சிக்கவி குறுங்காவியத்தை முழுமையாகப் படித்துச் சுவைத்து உங்கள் கருத்தைப் பதிவு செய்க.
புதன், 19 நவம்பர், 2025
நவம்பர் 5 வது வாரம் தமிழ் மாதிரி பாடக்குறிப்பு வகுப்பு :12
நாள்
24/11/2025 முதல் 29/11/25
வகுப்பு
- மேல்நிலை இரண்டாம் ஆண்டு
பாடம்
- தமிழ்
தலைப்பு
இலக்கியத்தில் மேலாண்மை
இரட்சணிய யாத்திரிகம்
புறநானூறு
கற்றல் நோக்கம்
- இலக்கியத்தில் பயின்றுள்ள வாழ்க்கைக்கான மேலாண்மைக் கூறுகளையும் தலைமைப் பண்பிற்கான தகுதிகளையும் பகுத்தாய்தல் மற்றும் நடைமுறைப்படுத்துதல்.
- இலக்கியம் மற்றும் காப்பியங்களின் வழியாக வெளிப்படும் வாழ்வியல் கூறுகள் மற்றும் பண்புநலன்களைப் போற்றிப் பின்பற்றுதல்.
கற்பித்தல் துணைக்கருவிகள்
இணைய வளங்கள், விளக்கப்படஅட்டைகள்
ஆர்வமூட்டல்
- ஆளுமை என்றால் என்ன?
- தேர்வைறையில் நாம் கடைப்பிடிக்க வேண்டியது எது?
- உனக்கு தெரிந்த கடவுள் பெயரைக் கூறு.
- தமிழரின் பண்டைய வாழ்வியலை அறிய உதவும் இலக்கியங்கள் சிலவற்றைக் கூறு
கற்பித்தல் செயல்பாடு
- இலக்கியம் நம் இதயத்தில் புதைந்து, எப்போது வேண்டுமானாலும் கிளர்ந்துவிடுகிற விதை. இலக்கியங்களில் மேலாண் கருத்துகள் இடம்பெற்றுள்ளன. அவற்றில் சொல்லப்பட்ட மேலாண் கருத்துகளையும் நிருவாக நெறிகளையும் நாம் அறியவேண்டும். ஏனெனில், நாட்டின் முன்னேற்றம் மேலாண் சிந்தனையில்தான் தொடங்குகிறது. மேலாண்மைத் துறையில் தமிழர் பழங்காலந்தொட்டே சிறந்து விளங்குகின்றனர்.நேர மேலாண்மை, வேளாண்மேலாண்மை, வணிகமேலாண்மை, நிருவாகமேலாண்மை, மேலான மேலாண்மை,ஆகியவற்றை பாடம் வழி விளக்குதல்.
இரட்சணிய யாத்திரிகம்
- நிறைவான அன்பு, குறையாத ஆர்வம், தொடரும் நெகிழ்ச்சி, தொண்டில் மகிழ்ச்சி என்பன மனிதத்தின் இயல்புகள். இம்மனிதமே அனைத்துச் சமயங்களின் அடிப்படைக் கொள்கை. இக்கொள்கையை வாழ்வில் பல வதைகள் பட்டு வெளிப்படுத்தியவர், இயேசு பெருமானார்.என்பதை செய்யுள் வழி விளக்குதல்.
புறநானூறு
- தமிழரின் வாழ்வியல் கருவூலமான புறநானூறு, வீரத்தையும் ஈரத்தையும் மட்டும் பேசாமல், வாழ்வின் விழுமியங்களையும் சேர்த்துப்பேசுகிறது. பிறர்க்கென வாழ்வதே பிறவிப்பயன் என்ற கருத்தினை விளக்கும் இப்பாடல், தமக்கென வாழா மனிதர்களைப் பற்றிப் பேசுகிறது.
கற்றல் செயல்பாடு
- பாடப்பகுதியை வாசித்தல்
- செய்யுளை சீர் பிரித்து வாசித்தல்
- மேலாண்மை பண்புகள் குறித்து வகுப்பறையில் கலந்துரையாடுதல்.
கற்றல் விளைவு
- மேலாண்மை பண்புகளை வளர்த்துக் கொள்ள முற்படுவர்.
- இயேசு பெருமானின் பொறுமையை வாழ்வில் கடைபிடிக்க கற்றுக் கொள்வர்.
- பிறருக்கு பகிர்ந்து உண்ணும் பண்பினைப் பெற்றுக் கொள்வர்.
குறைதீர்க் கற்றல்
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- ஏற்றுமதி இறக்குமதி நடைபெற்றதை கூறும் இலக்கியம் எது
- இரட்சணியயாத்திரிகம் யாருடைய படைப்பு?
- உண்டாலம்ம.....என தொடங்கும் புறநானூறு பாடலை எழுதியவர் யார்?
நசிவி
- நேர மேலாண்மைக்கு வள்ளுவர் காட்டும் உதாரணக் குறள் எது?
- எச் ஏ கிருட்டினனார் எழுதிய நூல்கள் சிலவற்றைக் கூறு.
உசிவி
- வேளாண் மேலாண்மை குறித்து நீவீர் பரிந்துரைப்பனவற்றை எழுதுக
- இயேசு கிறிஸ்துவின் பாடுகள் பற்றி கூறு
- பொதுவியல் திணை சான்றுடன் விளக்குக
தொடர்பணி
- நேர மேலாண்மை குறித்து உன்னுடைய கருத்துகளைக் குறிப்பிடுக.
- பொறுத்தாரை உலகம் பொன் போல் போற்றும் இந்த தலைப்பில் கலந்துரையாடுக.
சனி, 15 நவம்பர், 2025
நவம்பர் மாதம் 4 வது வாரம் தமிழ் மாதிரி பாடக்குறிப்பு வகுப்பு 12
நாள் : 17:11/25 முதல் 21/11/25
வகுப்பு : மேல்நிலை முதலாம் ஆண்டு
பாடம் :தமிழ்
தலைப்பு : நடிகர் திலகம், படைப்பாக்க உத்திகள்.
கற்றல் நோக்கம் :
- நிகழ்வுகளை உயிரோட்டத்துடன் மொழிவழி வெளிப்படுத்தும் திறன் பெறுதல்,
- படைப்பாக்க உத்திகளைப் புரிந்துகொண்டு கவிதைகளைப் படித்தல்; சுவைத்தல்; படைத்தல்.
துணைக் கருவிகள்
- விளக்கப்பட அட்டைகள்,
- பணித்தாள், இணைய வளங்கள்.
ஆர்வமூட்டல்
- உனக்கு பிடித்த நடிகர்கள் யார்?
- பழைய நடிகர்கள் சிலரின் பெயரை குறிப்பிடு?
இது போன்ற வினாக்கள் கேட்டு ஆர்வமுறச் செய்தல்.
கற்பித்தல் செயல்பாடு
நடிகர் திலகம்
- நடிப்புலகின் சக்கரவர்த்தி என எல்லோரும் வியக்கின்ற மகத்தான நடிகர் சிவாஜி கணேசன்.நவரச உணர்வுகளைத் தன் முக குறிப்புகளாலும் உடல் மொழிகளாலும் சிறப்பாக வெளிப்படுத்தி நடித்த மகா நடிகன் இத்தகைய சிறப்புகளைப் பெற்று தமிழ் திரை உலகின் அடையாளமாக விளங்கும் செவாலியே சிவாஜி கணேசன் பற்றி பாடம் வழி விளக்குதல்.
படைப்பாக்க உத்திகள்
- ஒன்றை மற்றொன்றோடு ஒப்பிட்டு பார்ப்பது நம்மிடம் இயல்பாக அமைந்துள்ள பண்பாகும். தெரிந்தவற்றைக் கொண்டு தெரியாதவற்றை அறிந்து கொள்கிற மனித அறிவு வளர்ந்து வந்திருக்கிறது கருத்தை சொல்வதில் கேட்போர் மனதை ஈர்க்கும் வகையில் சொல்வதை எளிதில் உணரும் வகையில் கூற உவமைகளைப் பயன்படுத்தும் முறையைப் பாடம் வழி விளக்குதல்
கற்றல் செயல்பாடு
- விரிவானம் பகுதியை வாசித்தல்.
- சிவாஜி கணேசன் குறித்து வகுப்பறையில் கலந்துரையாடுதல் நடித்துக்கட்டுதல்.
- பாடப்பகுதியில் இடம் பெற்று வரும் உவமை உருவகம் பற்றி தொகுத்தல்
கற்றல் விளைவுகள்
- நடிகர்களின் திறமையை அறிந்து கொள்வர்
- உவமை உருவகம் இலக்கியங்களில் பயின்று வந்துள்ளது அறிந்து இலக்கியங்களில் ஆர்வம் கொள்வர்
குறைதீர்க் கற்றல்
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- சிவாஜி கணேசன் எங்கு பிறந்தார்?
- உவமை எத்தனை நிலைகளில் வரும்?
நசிவி
- சிவாஜி கணேசன் பெற்ற விருதுகள் சிலவற்றைக் கூறு
- உவமை, உருவகம் வேறுபாடு அறிக.
உசிவி
- சிவாஜியின் நடிப்பு திறமை பற்றி அறிந்தவற்றைத் தொகுத்து கட்டுரையாக எழுதுக
- இலக்கியங்களில் பயின்று வந்துள்ள உவமைகளை கூறு.
தொடர் பணி
நடிகர் திலகம் சிவாஜி குறித்து படத்தொகுப்பு தயாரிக்க
அன்றாடம் நாம் பயன்படுத்தும் உவமை உருவகம் சிலவற்றை கூறு
வெள்ளி, 14 நவம்பர், 2025
நவம்பர் 4 வது வாரம் தமிழ் மாதிரி பாடக் குறிப்பு
நாள் : 17:11/25 முதல் 21/11/25
வகுப்பு : மேல்நிலை முதலாம் ஆண்டு
பாடம் :தமிழ்
தலைப்பு : செவ்வி, ஆக்கப்பெயர்கள்
கற்றல் நோக்கம் :
- பாலினச் சமத்துவத்தைப் புரிந்துகொண்டு சமூக வாழ்வியலில் நடைமுறைப்படுத்துதல்
- ஆக்கப்பெயர்களின் இன்றியமையாமை, நடைமுறைத் தேவை ஆகியவற்றை அறிந்து பயன்படுத்துதல்
துணைக் கருவிகள்
- விளக்கப்பட அட்டைகள் பணித்தாள் இணைய வளங்கள்
ஆர்வமூட்டல்
- பாலினம் பற்றி கூறு?
- பூ விற்பவரை எவ்வாறு அழைப்பாய்?
- இது போன்ற வினாக்கள் கேட்டு ஆர்வமுறச் செய்தல்.
கற்பித்தல் செயல்பாடு
- சிறுபான்மையிலும் சிறுபான்மையினராக வாழும் திருநங்கைகளுக்கு மட்டுமே இருக்கும் தடைக்கற்களையும்கூடப் படிக்கட்டுகளாக மாற்றலாம் என்று உலகுக்குக் காட்டியவரே நர்த்தகி நடராஜ் இவர், முத்தமிழ் வளர்த்த மதுரையில் பிறந்துநம் நாட்டியத் திறமையினால் உலகம் முழுவதும் எண்ணற்ற ரசிகர்களைப் பெற்றவர்; தன்னம்பிக்கை, உழைப்பு, விடாமுயற்சி ஆகியவற்றால் நாட்டியக்கலையில் தமக்கெனத் தனியிடத்தைப் பெற்றவர் என்பதை விளக்குதல்.
- காலச் சூழலுக்கேற்றவாறு நம் பயன்பாட்டிற்கெனப் பல்வேறு பெயர்களைப் புதியதாக ஆக்கிக்கொள்கிறோம். அவை இடுகுறியாகவும் இருக்கலாம்; காரணமாகவும் இருக்கலாம். இவ்வாறு, புதியதாக ஆக்கப்படும் சொல் ஆக்கப்பெயர் என அழைக்கப்படுகின்றது. 'ஆத்திரக்காரனுக்குப் புத்திமட்டு' என்பது பழமொழி. இதில் ஆத்திரம் கொண்ட ஒருவனைக் குறிப்பிட காரன்' என்னும் விகுதி சேர்த்து 'ஆத்திரக்காரன்' என்னும் சொல்லை உருவாக்குகிறோம்.
கற்றல் செயல்பாடு
- விரிவானம் பகுதியை வாசித்தல்.
- திருநங்கைகள் குறித்து வகுப்பறையில் கலந்துரையாடுதல்
- பாடப்பகுதியில் இடம் பெற்று இருக்கும் ஆக்கப் பெயர்களைக் கண்டறிதல்.
கற்றல் விளைவுகள்
- பாலினம் சமன்பட்டை உணர்ந்து மதிக்க கற்றுக்கொள்வர்
- திருநங்கை, திருநம்பி, திறமை உடையவர்கள் என்றறிந்து மதிக்க கற்றுக்கொள்வர்.
- ஆக்கப்பெயர்களைப் பயன்படுத்தவும், உருவாக்கவும் கற்றுக்கொள்வர்.
குறைதீர்க் கற்றல்
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- பாடப்பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்.
மதிப்பீடு
எசிவி
- நர்த்தகி நடராஜன் யாருடைய நடனத்தால் ஈர்க்கப்பட்டார்?
- அறிவைத் தேடி போகும் இடம் உலகம் அறிய உதவும் இடம் எது?
நசிவி
- நர்த்தகி நடராஜன் பெற்ற விருதுகள் சிலவற்றைக் கூறு
- பெயருடனும் வினையுடனும் சேரும் விகுதிகளைக் கூறு.
உசிவி
- நர்த்தகி நடராஜனின் நேர்காணல்களில் அறிந்தவற்றை தொகுத்து கட்டுரையாக எழுதுக
தொடர் பணி
- பாலின சமத்துவம் என்பதன் விளக்கம் அறிக.
- நீங்கள் வாழும் சூழலில் பயன்படுத்தப்படும் ஆக்கப் பெயர்களைப் பட்டியலிடுக
செவ்வாய், 11 நவம்பர், 2025
புதன், 5 நவம்பர், 2025
வகுப்பு :12 நவம்பர் 2வது வாரம் தமிழ்மாதிரி பாடக் குறிப்பு
நாள் : 10.11.25 முதல் 14.11.25
வகுப்பு : மேல்நிலை இரண்டாம் ஆண்டு
பாடம் : தமிழ்
தலைப்பு : தெய்வ மணிமாலை, பெருமாள் திருமொழி,தேவாரம்
பாடவேளை :4
கற்றல் நோக்கம்
- செய்யுளின் உட்பொருளை (சமயப்பொதுமை, நாகரிகக் கூறு, நேர்மறை மற்றும் புதிய சிந்தனை) அறிந்து அதன் இன்றைய தொடர்ச்சியை அறிய முற்படுதல் மற்றும் பின்பற்ற முனைதல்
துணைக் கருவிகள்
- விளக்கப்படம் இணைய வளங்கள்
ஆர்வமூட்டல்
- வாடிய பயிரைக் கண்டபோதெல்லாம் வாடினேன் என்று கூறியவர் யார்?
- மகிழ்ச்சி தரக்கூடிய நிகழ்வுகள் சிலவற்றை கூறு.
இது போன்ற வினாக்கள் மூலம் ஆர்வமுடன் செய்தல்
கற்பித்தல் செயல்பாடு
தெய்வமணிமாலை
- ஆன்மநேய ஒருமைப்பாட்டையும் சமய ஒருமைப்பாட்டையும் ஒளி வழிபாட்டையும் முன்வைத்த சீர்திருத்தச் சிந்தனை உருவான இடம் சென்னை. இவ்வுண்மை நெறியை உருவாக்கி வளர்த்த ஆன்மீக ஆளுமை வள்ளலார், இறைவனிடம் வேண்டுவதை பாடல் வழி விளக்குதல்.
பெருமாள் திருமொழி
- தமிழர் பண்டைய நாள்களில் இருந்து மருத்துவ ஆளுமையோடு திகழ்கின்றனர். இதன் தாக்கங்கள் தமிழ் இலக்கியங்களில் விரவிக் கிடக்கின்றன. பக்தி இலக்கியங்களிலும் மருத்துவச் செய்திகள் செறிந்து இருப்பதனைப் பதிவு செய்துள்ள பாடல் ஒன்று பாடமாக இருப்பதை விளக்குதல்
தேவாரம்
- மகிழ்ச்சியைப் பகிர்ந்துகொள்ளும் நாகரிகத்தின் வெளிப்பாடு, கோவில் திருவிழா. கோவில் ஒர் ஊரின் பெருமைக்குரிய அடையாளங்களுள் ஒன்று, அதன் புகழைப் பறைசாற்றும் எழுச்சியே திருவிழாக்கள், அத்தகைய விழாக்கள் நிறைந்த ஊர் 'திருமயிலை' என்று அழைக்கப்படும் மயிலாப்பூர். இவ்வூர் சென்னை மாநகரின் ஒரு பகுதி. அங்குள்ள இறைவனுக்குக் கொண்டாடப்படும் பங்குனி உத்திர விழா குறித்து கூறும் பாடலை விளக்குதல் .
கற்றல் செயல்பாடு
- மனப்பாடப் பாடலைச் சீர் பிரித்து வாசித்தல்
- ஊர்களில் நடைபெறும் திருவிழாக்கள் குறித்து கலந்துரையாடுதல்
- இயற்கை மருத்துவம் குறித்து விவாதித்தல்
கற்றல் விளைவு
- குற்றமில்லாத நல் மனம் பெற்று, நல்உறவுடன் பழக வேண்டும் என்பதை கற்றுக் கொள்வர்.
- திருவிழாக்களை உற்றார் உறவினரோடு மகிழ்ந்து கொண்டாட கற்றுக் கொள்வர்.
குறைதீர்க் கற்றல்
- சில வினாக்கள் கேட்டு விடை அளிக்க தடுமாறும் பகுதியை மீண்டும் ஒருமுறை விளக்குதல்
வலுவூட்டல்
- செய்யுள் பகுதியில் சில வினாக்கள் கேட்டு சிறப்பாக பதிலளிக்கும் மாணவர்களைப் பாராட்டுதல்
மதிப்பீடு
எளிய சிந்தனை வினா
- வள்ளலார் எழுதிய உரைநடை நூல்கள்.......
- குலசேகர ஆழ்வாரின் காலம்.......
- திருஞானசம்பந்தர் பாடிய திருமுறைகள்...
நடுத்தர சிந்தனை வினா
- ராமலிங்க அடிகளார் இறைவனிடம் எத்தகைய உறவு வேண்டும் என வேண்டுகிறார்?
- மருத்துவன் நோயாளர் உவமையை விளக்குக
- கலி விழா ஒலி விழா விளக்குக
உயர் சிந்தனை வினா
- கந்தகோட்டத்து இறைவனிடம் ராமலிங்க அடிகளார் வேண்டுவன அத்தனையும் தொகுத்து எழுதுக.
- குலசேகர ஆழ்வார் மருத்துவன் நோயாளன் என உருவகித்து கூறுவதை விளக்குக
- பங்குனி உத்திர விழா கொண்டாடப்படும் விதம் பற்றி எழுதுக
தொடர் பணி
- இறைவனிடம் நீ வேண்டுவனவற்றைத் தொகுப்பாக எழுதுக
- நம்ம ஊர் பகுதியில் நடைபெற்ற விழா ஒன்றினுடைய நிகழ்வுகளைத் தொகுத்து எழுதுக.
வகுப்பு :11 நவம்பர் 2வது வாரம்தமிழ் மாதிரி பாடக் குறிப்பு
நாள் : 10/11/25 முதல் 14/11/25
வகுப்பு : மேல்நிலை முதலாம் ஆண்டு
பாடம் : தமிழ்
பாட வேளை :4
தலைப்பு : சீறாப்புராணம்
பதிற்றுப்பத்து
கற்றல் நோக்கம்
- செய்யுளைக் கற்று சமய நல்லிணக்கத்தைப் போற்றி பின்பற்றுதல்
- சங்க இலக்கியத்தில் காட்சிப்படுத்தப்பட்டுள்ள நாட்டுச் சிறப்பினை இன்றைய நிலையுடன் ஒப்பிட்டு கற்றல்.
துணைக் கருவிகள்
- விளக்கப்பட அட்டை,இணைய வளங்கள்
ஆர்வமூட்டல்
- உனக்குத் தெரிந்த சமய காப்பியங்கள் சிலவற்றைக் கூறு
- எட்டுத்தொகை நூல்கள் எவை
- எட்டுத்தொகை நூல்களில் அகநூல் புறநூல் எவை?
- இது போன்ற வினாக்கள் மூலம் ஆர்வமுறச் செய்தல்
கற்பித்தல் செயல்பாடுகள்
- இஸ்லாமிய நெறியின் தூதர் நபிகள் நாயகத்தின் சீரிய வரலாற்று இலக்கியம் சீறாப் புராணம்.இது தமிழ் இலக்கிய மரபுகளைப் பின்பற்றி எழுதப்பட்ட தலைசிறந்த இஸ்லாமிய இலக்கியம் பகையும் வறுமையும் நோயும் தீண்டா பொருள் வளம் நிறைந்த மதினா நகரில் தானத்திலும் தவத்திலும் சிறந்து விளங்கிய மக்கள் செல்வ செழிப்புடன் வாழ்ந்த பாங்கினைச் செலவியற்காண்டம் வழியாக விளக்குதல்
பதிற்றுப்பத்து
- நாட்டில் வாழும் உயிர்கள் மகிழ்ச்சியாக வாழ வேண்டும் அவ்வாழ்வு சிறக்க நாட்டின் அரசன் மக்களின் நல்வாழ்வை உறுதிப்படுத்த வேண்டும் வள்ளுவர் "உறுபசியும் ஓவாப் பிணியும் செறுப்பகையும் சேராது இயல்வது நாடு" என்று குறிப்பிடுகின்றார் பசியும் நோயும் பகையும் இல்லாது இருப்பதே சிறந்த நாடு என்பதை வெளிப்படுத்தும் வகையில் ஆட்சி செய்த மன்னனின் சிறப்புகளைக் குமட்டூர் கண்ணனார் பாடல் வழி விளக்குதல்.
கற்றல் செயல்பாடு
- செய்யுள் பகுதியைச் சீர் பிரித்து வாசித்தல்
- அந்தக் கால அரசனின் ஆட்சி முறை இந்தக் கால ஆட்சி முறை பற்றி விவாதித்தல்
கற்றல் விளைவுகள்
- நகரங்களின் அமைப்பையும் இயற்கை சிறப்பையும் உணர்ந்து இயற்கையை போற்ற கற்றுக் கொள்வார்.
- நம் முன்னோர்களின் ஆட்சி சிறப்பை அறிந்து கொள்வர்
வலுவூட்டல்
- கடின பகுதிகளை மீண்டும் விளக்குதல்.
- சில வினாக்கள் கேட்டு சிறப்பாக விடை அளிக்கும் மாணவர்களைப் பரிசளித்து பாராட்டுதல்.
குறைதீர்கற்றல்
- மாணவர்கள் பொருள் புரிய தடுமாறும் இடங்களை அறிந்து மீண்டும் ஒரு முறை விளக்குதல்
மதிப்பீடு
எளிய சிந்தனை வினா
- மதீனா நகரம் ஒரு மாளிகை நகரம் எனும் கூற்றினை உறுதிப்படுத்துக.
- புணர்ச்சி விதி தருக மண்ணுடை
நடுத்தர சிந்தனை வினா
- சேரநாடு செல்வ வளம் மிக்கது என்ற கூற்றிற்குரிய காரணங்களைக் குறிப்பிடுக.
- நெருங்கின பகுபத உறுப்பிலக்கணம் தருக
உயர் சிந்தனை வினா
- மதீனா நகரம் ஒரு வளமான நகரம் என உமறுப்புலவர் வர்ணிக்கும் செய்திகளைத் தொகுத்து எழுதுக.
- இமயவரம்பன் நெடுஞ்சேரலாதனைப் பற்றிய செய்திகளைத் தொகுத்து எழுது.
- நான் பார்க்க விரும்பும் இடம் என்னும் தலைப்பில் உங்களின் கருத்துக்களை காரணங்களுடன் பதிவு செய்க.
இதற்கு குழுசேர்:
கருத்துகள் (Atom)