இயல். 1 புத்தக புறநிலை வினாக்கள்

 இயல். 1
வகுப்பு 12
 புத்தக புற நிலை வினாக்கள் 

பதிவிறக்கு /DOWNLOAD

காலாண்டு திருப்புதல் பாடக்குறிப்பு

 நாள் 7.09.2026 முதல் 11.09.26

வகுப்பு :மேல்நிலை இரண்டாம் ஆண்டு 

பாடம் :தமிழ் 

தலைப்பு :திருப்புதல் இயல் 2

நிரப்புக 

1. வையகமும் வானகமும் ஆற்றலரிது - எதற்கு?

2.“ நரம்புகளுக்குள் வீணை மீட்டிக் கொண்டிருக்கிறது என்று ஐயப்ப மாதவன் குறிப்பிடுவது.......

பின்வரும் வினாக்களுக்கு விடையளிக்கவும்            

1.கலைச்சொல் அ) Museum அல்லது ஆ) HARDWARE

 2.மயங்கொலிச் சொற்களை ஒரே தொடரில் அமைத்து எழுதுக 

அ)கலை,களை, கழை ஆ) தலை, தளை, தழை

3)கீழ்க்காணும் நான்கு சொற்களைக் கொண்டு தொடர் எழுதுக.. 

அ)விண்மீன், ஒளிர், எரி, விழ) ஆ)குதிரை, வேகம், ஓடு, தாவு 

  4.உறுப்பிலக்கணம் தருக

      அ) கலங்கி 

5.புணர்ச்சி விதி தருக

      அ) இனநிரை (அல்லது) ஆ) புதுப்பெயல்

பின்வரும் வினாக்களுக்கு விடையளிக்கவும் 

6.நகரம் பட்டை தீட்டிய வெள்ளை வைரமாகிறது விளக்கம் தருக

7.செல்வம் இருப்பதற்கான வழியாக வள்ளுவம் உரைப்பன யாவை?

8. விலங்குகளும் பறவைகளும் எவ்வாறு நடுங்கியதாக நக்கீரர் கூறுகிறார்

9.இந்தோ– சாரசனிக் கட்டடக்கலை குறிப்பு வரைக 

பின்வரும் வினாக்களுக்கு விடையளிக்கவும் 

10.சென்னை அறிவின் நகரம் என்பதை சான்றுடன் விளக்குக.

11.கீழ்க்காணும் குறளில் ஏகதேச உருவக அணி எவ்வாறு பயின்று வருகிறது என்பதை விளக்குக.

சினம்என்னும் சேர்ந்தாரைக் கொல்லி இனம்என்னும்

 ஏமப் புணையைச் சுடும்.

12.வாகைத் திணையைச் சான்றுடன் விளக்குக

13.வாடைக்காலத்தில் கோவலர்கள் எவ்வாறு பாதுகாப்பைத் தேடினர்?

மனப்பாடம் 

    14 மாமேயல்….. தொடங்கும் பாடலை எழுது.

திருப்புதல் காலாண்டுத் தேர்வு

 நாள்         : 7.09.2026 முதல் 11.09.26

வகுப்பு        :மேல்நிலை முதலாம் ஆண்டு 

பாடம்             :தமிழ் 

தலைப்பு :திருப்புதல் இயல் 2

பின்வரும் வினாக்களுக்கு விடையளிக்கவும்                                   

1.தமிழாக்கம் தருக

அ) simplicity is nature's first step, and the last of art. 

2.மயங்கொலிச் சொற்களை ஒரே தொடரில் அமைத்து எழுதுக.

அ) கலை,களை, கழை (அல்லது) ஆ)குரை, குறை

3)உறுப்பிலக்கணம் தருக

      அ)அலர்ந்து

4)புணர்ச்சி விதி

       அ)உழுதுழுது

5)கலைச்சொல்

   அ) Farmyard manure 

ஆ) Harvesting

பின்வரும் வினாக்களுக்கு விடையளிக்கவும் 

6)எதற்கு முன் நல்ல செயல்களை விரைந்து செய்யவேண்டும் என்று குறள் கூறுகிறது?

7). தமிழ்நாட்டின் மாநில மரம் - சிறுகுறிப்பு வரைக.

8). ஐங்குறுநூறு -குறிப்பு வரைக.

9).ஐந்து வேளாண் மந்திரங்கள் யாவை?

10)சீர் தூக்கி ஆராய வேண்டிய ஆற்றல்கள் யாவை? 

பின்வரும் வினாக்களுக்கு விடையளிக்கவும் (மூன்றனுக்கு) 3×3=9

11).குறித்த காலத்திற்கு முன்பாக ஊர் திரும்பிய தலைவன் கூறுவனவற்றை ஐங்குறுநூறு கொண்டு விளக்குக

12)தீயினாற் சுட்டபுண் உள்ளாறும் ஆறாதே 

நாவினாற் சுட்ட வடு. - இக்குறட்பாவில் பயின்றுவரும் அணியை விளக்குக.

13).வேதிக்கலப்பில்லாத பூச்சிக்கொல்லி நடைமுறைக்குச் சாத்தியமா? - நும் கருத்தை எழுதுக.

14) "இவ்வயின் யாமெலாம் செவ்விதில் துன்னில் தழைப்பதற்கு இடமிலை" இடஞ்சுட்டிப்பொருள் விளக்குக. 

மனப்பாடப்பாடல் 2

15).பொருட்டு ……. முடியும் குறளை எழுது.

                                        

புறநானூறு

 யாதும் ஊரே; யாவரும் கேளிர் – கணியன் பூங்குன்றனார்

பாடல் எண்: 192

திணை: பொதுவியல்

துறை: பொருண்மொழிக் காஞ்சி

புலவர்: கணியன் பூங்குன்றனார்

நூல்: புறநானூறு

பாடல்

யாதும் ஊரே; யாவரும் கேளிர்;

தீதும் நன்றும் பிறர்தர வாரா;

நோதலும் தணிதலும் அவற்றோ ரன்ன;

சாதலும் புதுவது அன்றே; வாழ்தல்

இனிதுஎன மகிழ்ந்தன்றும் இலமே; முனிவின்,

இன்னாது என்றலும் இலமே; ‘மின்னொடு

வானம் தண்துளி தலைஇ, ஆனாது

கல்பொருது இரங்கும் மல்லற் பேர்யாற்று

நீர்வழிப் படூஉம் புணைபோல, ஆருயிர்

முறைவழிப் படூஉம்’ என்பது திறவோர்

காட்சியின் தெளிந்தனம் ஆகலின், மாட்சியின்

பெரியோரை வியத்தலும் இலமே;

சிறியோரை இகழ்தல் அதனினும் இலமே.

எளிய பொருள்

“எல்லா ஊர்களும் நம் ஊர்களே; எல்லா மக்களும் நம் உறவினர்களே” என்ற உயர்ந்த உலகளாவிய சிந்தனையை கணியன் பூங்குன்றனார் இப்பாடலில் வெளிப்படுத்துகிறார்.

நன்மையும் தீமையும் பிறர் நமக்குத் தருவதில்லை. நமது வாழ்க்கை நியதிப்படியே நடைபெறுகிறது. துன்பம் வருவதும் அதிலிருந்து விடுபடுவதும் இயற்கையின் போக்கிலேயே அமைகின்றன.

வாழ்க்கை இனிமையானது என்று அளவுக்கு அதிகமாக மகிழ்வதும் கூடாது; துன்பம் வந்துவிட்டது என்று வாழ்க்கையை வெறுப்பதும் கூடாது.

மழை பெய்து பெருக்கெடுத்து ஓடும் ஆற்றில் அதன் நீரோட்டத்திற்கேற்ப ஒரு தெப்பம் செல்வதைப் போல, மனித உயிரும் இயற்கையின் நியதிப்படியே செல்கிறது.

இந்த உண்மையை உணர்ந்ததால், உயர்ந்த நிலையில் உள்ளவர்களைக் கண்டு வியந்து அவர்களைத் துதிப்பதுமில்லை; தாழ்ந்த நிலையில் உள்ளவர்களை இகழ்வதுமில்லை.

வரி விளக்கம்

1. யாதும் ஊரே; யாவரும் கேளிர்

யாதும் ஊரே – எல்லா ஊர்களும் நம் ஊர்களே.

யாவரும் கேளிர் – எல்லா மக்களும் நம் உறவினர்களே.

👉 மனிதர்களை இனம், மொழி, நாடு, சாதி, மதம் போன்ற வேறுபாடுகளால் பிரிக்காமல், உலக மக்கள் அனைவரையும் உறவினர்களாகக் கருத வேண்டும் என்ற உயர்ந்த உலகளாவிய சிந்தனையை இவ்வரி எடுத்துரைக்கிறது.

2. தீதும் நன்றும் பிறர்தர வாரா

நன்மையும் தீமையும் பிறர் நமக்குத் தருவதில்லை.

👉 நமது செயல்களுக்கும் அவற்றின் விளைவுகளுக்கும் நாமே பொறுப்பாளிகள் என்பதை இவ்வரி உணர்த்துகிறது.

3. நோதலும் தணிதலும் அவற்றோ ரன்ன

நோதல் – துன்பப்படுதல்.

தணிதல் – துன்பம் நீங்குதல்.

துன்பம் ஏற்படுவதும் அது நீங்குவதும் பிறரால் மட்டும் நிகழ்வதில்லை; அவையும் வாழ்க்கையின் இயல்பான போக்கிலேயே நிகழ்கின்றன.

4. சாதலும் புதுவது அன்றே

இறப்பு என்பது புதிதான ஒன்றல்ல. அது உயிர்களின் இயற்கையான முடிவாகும்.

👉 பிறப்பு எவ்வாறு இயற்கையானதோ, அதுபோல இறப்பும் இயற்கையானதே என்பதைப் புலவர் உணர்த்துகிறார்.

5. வாழ்தல் இனிதுஎன மகிழ்ந்தன்றும் இலமே

வாழ்க்கை இனிமையானது என்று அளவுக்கு அதிகமாக மகிழ்ந்து கொண்டிருக்க வேண்டியதில்லை.

👉 இன்பம் வந்தபோது அதிலேயே மூழ்கிவிடாமல், வாழ்க்கையைச் சமநிலையுடன் அணுக வேண்டும்.

6. முனிவின், இன்னாது என்றலும் இலமே

முனிவு – வெறுப்பு / மனக்கசப்பு.

வாழ்க்கையில் துன்பங்கள் ஏற்பட்டுவிட்டன என்பதற்காக வாழ்க்கையே கொடியது என்று வெறுத்துவிடவும் கூடாது.

👉 இன்பத்திலும் துன்பத்திலும் மனநிலையைச் சமமாக வைத்துக்கொள்ள வேண்டும்.

7. மின்னொடு வானம் தண்துளி தலைஇ

மின்னலுடன் கூடிய குளிர்ந்த மழைத்துளிகளை வானம் பொழிகிறது.

8. ஆனாது கல்பொருது இரங்கும் மல்லற் பேர்யாற்று

மழையால் பெருக்கெடுத்த ஆறு, கற்களை உருட்டிக் கொண்டு ஆரவாரத்துடன் வேகமாகப் பாய்கிறது.

9. நீர்வழிப் படூஉம் புணைபோல, ஆருயிர்

புணை – தெப்பம் / மிதவை.

பெருக்கெடுத்து ஓடும் ஆற்றில் ஒரு தெப்பம் நீரோட்டத்தின் வழியே செல்வதைப் போல, நமது அரிய உயிரும் வாழ்க்கையின் நியதிப்படியே செல்கிறது.

👉 இது பாடலின் மிக அழகான உவமையாகும்.

ஆற்றில் செல்லும் தெப்பம் → நீரோட்டத்தைப் பின்பற்றுகிறது

மனித உயிர் → வாழ்க்கையின் நியதியைப் பின்பற்றுகிறது

10. முறைவழிப் படூஉம் என்பது திறவோர்

வாழ்க்கையின் இயல்பை அறிந்த அறிவுடையோர், உயிரானது ஒரு குறிப்பிட்ட இயற்கை நெறிப்படியே செல்கிறது என்பதை உணர்ந்துள்ளனர்.

11. காட்சியின் தெளிந்தனம் ஆகலின்

இந்த உண்மையை அறிவுடையோரின் தெளிந்த பார்வையின் மூலம் நாங்கள் உணர்ந்துள்ளோம்.

12. மாட்சியின் பெரியோரை வியத்தலும் இலமே

பெருமை, செல்வம், பதவி, பிறப்பு போன்றவற்றால் உயர்ந்த நிலையில் இருப்பவர்களைக் கண்டு அளவுக்கு அதிகமாக வியந்து அவர்களைப் போற்றுவதில்லை.

👉 மனிதர்களை உயர்வு–தாழ்வு என்ற அடிப்படையில் மதிப்பிடக் கூடாது.

13. சிறியோரை இகழ்தல் அதனினும் இலமே

தாழ்ந்த நிலையில் இருப்பவர்களை இகழ்வது அதைவிடக் கூடாது.

👉 உயர்ந்தவர்களை அளவுக்கு மீறிப் போற்றாமலும், தாழ்ந்தவர்களை இகழாமலும் இருப்பதே சமத்துவமான மனிதநேயப் பார்வை.

பாடல் உணர்த்தும் முக்கியக் கருத்துகள்

🌏 1. உலகளாவிய சகோதரத்துவம்

“யாதும் ஊரே; யாவரும் கேளிர்” என்பது உலக மக்கள் அனைவரையும் உறவினர்களாகக் கருதும் உயர்ந்த சிந்தனை.

🤝 2. மனிதநேயம்

மனிதர்களுக்குள் உயர்வு–தாழ்வு கிடையாது. அனைவரையும் சமமாக மதிக்க வேண்டும்.

⚖️ 3. சமநிலை மனப்பான்மை

இன்பம் வந்தால் அளவுக்கு மீறி மகிழ்வதும், துன்பம் வந்தால் அளவுக்கு மீறி வருந்துவதும் கூடாது.

🌊 4. வாழ்க்கையின் இயல்பு

ஆற்றில் செல்லும் தெப்பத்தைப் போல மனித வாழ்க்கையும் இயற்கையின் போக்கில் செல்கிறது.

🌱 5. தன்னம்பிக்கை

“தீதும் நன்றும் பிறர்தர வாரா” என்ற கருத்து, மனிதன் தன் வாழ்க்கையின் விளைவுகளுக்குப் பொறுப்பேற்க வேண்டும் என்பதை உணர்த்துகிறது.

🕊️ 6. சமத்துவம்

பெரியோரை வியந்து தாழ்வுணர்வு கொள்ளாமலும், சிறியோரை இகழாமலும் இருப்பதே சிறந்த பண்பாகும்.

இன்றைய வாழ்க்கைக்கு இப்பாடலின் பொருத்தம்

இன்றைய உலகில் நாடு, மொழி, இனம், மதம், சாதி போன்ற பல்வேறு வேறுபாடுகளால் மனிதர்கள் பிரிக்கப்படுகின்றனர்.

அத்தகைய சூழலில், “யாதும் ஊரே; யாவரும் கேளிர்” என்ற கணியன் பூங்குன்றனாரின் சிந்தனை உலக அமைதிக்கும் மனிதநேயத்திற்கும் மிகவும் தேவையானதாகிறது.

எந்த ஊரைச் சேர்ந்தவராக இருந்தாலும் அவர் நம் உறவினர்;

எந்த நாட்டைச் சேர்ந்தவராக இருந்தாலும் அவர் நம் மனிதர்.

இதுவே இப்பாடலின் காலத்தைக் கடந்த சிறப்பு.

🌟 நினைவில் கொள்ள வேண்டிய வரிகள்

“யாதும் ஊரே; யாவரும் கேளிர்”

— உலக சகோதரத்துவம்

“தீதும் நன்றும் பிறர்தர வாரா”

— செயலுக்கேற்ப விளைவு

“நீர்வழிப் படூஉம் புணைபோல, ஆருயிர்

முறைவழிப் படூஉம்”

— வாழ்க்கையின் இயற்கைப் போக்கு

“பெரியோரை வியத்தலும் இலமே;

சிறியோரை இகழ்தல் அதனினும் இலமே.”

— சமத்துவமும் மனிதநேயமும்

கலைகச்சொல்

 அறிவியல் எழுத்தாளர் சங்கரன் ரவிச்சந்திரனின் மொழிபெயர்ப்பிலுள்ள நல்ல கலைச்சொற்கள். 

துளிம ஈர்ப்பியல்(Quantum Gravity)

துளிமக் கூலங்கள் (Quantum Grains)

பொது சார்பு (General Relativity)

ஆப்பெழுத்து(Cuneiform)

தொடுவளை ( tangent) 

நுண்மை ( Granularity)

அறுதியின்மை (indeterminism)

சார்புடைமை (Relationality) 

அருநிகழ்வுநிலைகள் ( Singularities)

பூரண உடனிகழ்வு ( absolute simultaneity) 

துளிம இயக்கவியல் (Quantum Mechanics) 

உடன்மாறி துளிமப் புலங்கள் (covariant quantum fields)

கூடமைப்பின் தோராயமாக்கம் ( lattice approximation) 

முற்றான வியப்பின்மை ( complete absence of surprise)

பொது பிரபஞ்ச மாதிரி ( Standard Cosmological model )

காலவெளியிட தொடர் பொருண்மை ( spatiotemporal continuum )‌‌

நுண்தகவல் பரவல் ( Statistical distribution) 

கலாச்சார சார்பாளர் (‌Cultural Relativist)

முன்நோக்குநர்(Visionary)

நேர்க்காட்சி(empirical)

இழைக் கொள்கை (String Theory) 

துகள் முடுக்கி ( particle accelerator)

அதிசீர்மைத் துகள்(supersymmetric particle) 

நிலைமாறாமல் ( consistent) 

முற்றான வியப்பின்மை ( complete absence of surprise)

வாடிவாசல் சி.சு. செல்லப்பா

 

• அறிமுகம் மற்றும் வாடிவாசலில் காரிக் காளையின் கம்பீரமான நுழைவு. காளையை அடக்க லங்கோட்டை இறுக்கிக்கொண்டு பிச்சி ஆயத்தமாவது.
• கூட்டத்தின் திகைப்பும் எதிர்பார்ப்பும். ஜமீன்தாரின் சைகை மற்றும் கம்பீரமாக திட்டிவாசலில் காரி வந்து நிற்கும் காட்சி.
• பிச்சி மற்றும் மருதனின் திட்டமிடல். பிச்சி காரிக் காளையின் திமிலைப் பிடித்துக் கழுத்தோடு தன் உடலை ஒட்டித் தழுவும் தத்ரூபமான போராட்டம்.
• காளையை அடக்கி அதன் கொம்பிலிருந்த பட்டுத்துணியையும் (உருமாப் பட்டு) தங்கத்தையும் பிச்சி வென்றெடுத்தல். அவனது திறமையைக் கண்டு உசிலனூர் அம்பிலியின் பேரைக்காப்பாற்றியதற்காகக் கிழவர் ஆனந்தக் கண்ணீர் வடித்தல்.

வாடிபுரம் காளை!

வாடிவாசலையும் தொழுவத்தையும் பிரித்து நிற்கும் ஆள் உயர வேலி அடைப்பின்மீது உட்கார்ந்து இருந்த ஒரு பையன் கத்தினான்.

“வாடிபுரம் காளை!”

“கருப்புப் பிசாசு!”

கத்திய அத்தனை குரல்களிலும் ஒரு நடுக்கம், திகில் வெடித்துப் பரவியது. வாடிவாசல் அமர்க்களப்பட்டது. சில விநாடிகளில் வாடிவாசலை முண்டியடித்து எக்கி நின்ற கூட்டம் போன இடம் தெரியவில்லை. காரிக் கொம்புக்கு எட்டாதபடி எப்படிவெல்லாம் பாதுகாத்துக் கொள்வதென்று தவித்து அவனவன் அங்கும் இங்கும் ஓடிப் பதுங்கப் பார்த்தான். திட்டிவாசலைச் சுற்றிக் குழப்பமின்றி விஸ்தாரமாக இருந்தது. அதிமேலும் இரண்டொருத்தன் தான் துணிந்து நின்று காளை உள்ளே அவிழ்க்கப்படுவதைப் பார்த்தான்.

தொழுவத்தில் அதன் அலங்காரங்கள் கலைக்கப்பட்டு உள்வாடிக்குக் கொண்டுவரப்பட்ட காளை ஒரு தடவை முக்காலுமிட்டுவிட்டு ஒரு சிறுவன் பிடிகயிற்றுக்கு அடங்கிப் பரம சாதுவாக அடைப்புக்குள் ஆடி அசைந்து வந்தது.

“மருதா” என்று உஷார்படுத்திக் கொண்டு பிச்சி, லங்கோட்டை ஒரு தரம் இறுக்கிவிட்டு, வயிறை எக்கிக் கொடுத்து ஒரு முழு மூச்சு இழுத்தான். குனிந்து இரு கைகளையும் தரையில் தேய்த்து, பிடி வழுக்காமல் இருக்கச் சுரசுரப்பாக்கிக் கொண்டான்.

“கிழக்கத்தியான் காரியைப் பிடிக்கப் போறான்!”

“பேர் போனதுதான்!”

“செல்வமாய் வாடியிலே அவனுக்கு முடிவு போட்டிருக்கு!”

“குருத்துப் பையன், அநியாயமா...!”

“பட்டு உருமாவுக்கு ஆசைப்பட்டு உசிரை இந்தான்னு கொடுக்கிறானே பாவி!”

“இரண்டு பவுனுத் தங்கம் கண்ணை உறுத்துமுல்லே!”

ஆளுக்கொரு அபிப்பிராயமாகக் கூட்டம் பரிமாறிக் கொண்டது. மேடை ஆசனத்திலிருந்து முன்சாய்ந்து குறுக்குக் கம்பியின் மீது கை வைத்து ஆர்வத்துடன் பார்க்கும் போது அவர் பக்கமாகத் திரும்பிய பிச்சியின் பார்வையைக் ஜமீன்தார் சந்தித்துவிட்டார்.

“ஹூம், பிடி!” என்று சொல்வதுபோலத் தன்னை அறியாமலேயே தலையை ஆட்டி விட்டார்.

“பார்த்தியா, காளை வரவும் கிழக்கத்தியான் பம்மிட்டான்.”

“அவ்வளவுதான் பேர்!”

“சும்மா ஆர்ப்பாட்டக்காரனுங்க!”

தன்னைச் சுற்றி எழுந்த இந்தக் கேலி வார்த்தைகளைக் கேட்ட ஜமீன்தார், “உறையாமல் பார்த்துக் கிட்டிருங்க,” என்று சுருக்கெனச் சொல்லி அடக்கினார். “அவன் ஒரு பிறவி! எந்த மாட்டு சைசை எப்படி விழணும்னு அவனுக்குச் சுபாவத்திலேயே ஊறிக் கிடக்கும்!” கண்டன வாய்கள் மூடிக்கொண்டன.

திட்டி வாசலில் காரி ராஜாங்கமாக நின்றது. அதன் புடைத்த பளீரிடும் கருந்திமில் நெஞ்சுர மரக்கட்டை அடைப்புக்கு சமமாக எடுப்பாகத் துருத்திக்கொண்டு வாடிவாசலில் வந்து நின்றது.

“ராஜாளி மாதிரி வந்து நிக்குது பாரு!”

“நின்னுகுத்திக் காளையின்னா இதுதான்!”

“இதைவா கிழக்கத்தியான் பிடிக்கப் போறான்!”

நின்ற காரி, வாடிவாசலில் தன் மீது கை போடும்படி சவால் விட்ட மாதிரி இருந்தது. அதன் மூச்சு தரையில் பட்ட இடங்களில் மணல் சிதறிப் பறந்தது. ஒருதரம் வெறிக்கடித்தது. மறுபடியும் தரையை முகர்ந்துகொண்டிருந்தது.

‘அப்பன் ஆசைக்கு மட்டுமின்றி உசுருக்கு உடை வைத்த காரி, அதன் கொம்பில் இன்னும் அப்பன் இரத்தம் வழிந்து கொண்டிருப்பது’ போன்ற பிரமை ஏற்பட, அவனுக்கு நேர் எதிரில் வந்து நின்ற போது அந்தக் கிழக்கத்திய வாலிபனான பிச்சி, அதன் கொம்புக்கு நேராகவும் மருதன் அதன் வால் பக்கமாகவும் அசையாமல் நின்றார்கள். பிச்சியின் முகத்தையே சைகைக்கு எதிர்பார்த்துக் கொண்டிருந்தான் மருதன். காளைக்கு சமமாகப் பார்த்துப் பிச்சி மருதனுக்குச் சைகை செய்ததுதான் தாமதம்...

“டுர்ரீ!”

மருதன் குரல் வாடிவாசல் முணுமுணுப்பைக் கிழித்துக் கொண்டு எழுந்தது. கூவிக் கொண்டே முன் வந்த காளையின் வாடை ஜாடையாகத் தொட்டுவிட்டு வட்ட விளிம்பாரமாகப் பின்னரித்தான். மருதன் கைபடவும் காளை அவன் மீது பாய, வடக்கெனத் திரும்பியது. அது பிச்சியே விட்டுவிட்டு ஒரு சிறு கோண அளவுக்குத் திரும்பி இருக்கும்.

சில்வண்டு மாதிரி அட்டத்திலிருந்து பாய்ந்து அதன் திமிலில் இடது கையைப்போட்டு நெஞ்சோடு நெருக்கி அணைத்துத் கழுத்தோடு தன் உடலை ஒட்டிக்கொண்டு அதன் வலதுகொம்பில் கை போட்டான் பிச்சி.

எதிர்பாராத இந்தப் பாய்ச்சல் காளைக்கு எடுத்த எடுப்பில் பிந்திவிட்ட பாதகமாகப் போய்விட்டது. ஆனாலும் அதனுடைய சுபாவமான மிருக குணம் மறுகணத்தில் சமாளிப்பைக் கொடுத்தது. முழு வேகத்துடன் கொம்பை அசைத்துப் பிச்சியப் பின்னால் குத்தப் பார்த்தது. காளையின் தலை, கீழ்நோக்கி அழுத்தப்படவே காளை உத்தியை மாற்றி ஒரு எகிறு எகிறி நான்கு கால்களையும் உயரே தூக்கித் தவ்வியது. பிச்சியும் அதோடு உயரே போனான்.

“அட! விராலு மாதிரித் துள்ளுதுடா!”

“குதிரை கணக்கா எறியப் பாக்குது!”

“தோத்தான்டா பேர் ஊட்டி திருகி விழுந்து!”

“தூக்கிப் போட்டுப் பட்டையுரிச்சிடப் போகுது!”

மருதன் கத்தினான். “பிடியை விட்டுடாதே, பிச்சி!”

ஆள் உயரத்துக்கு மேல் எழும்பிய காளை அந்தரத்தில் முதுகு குவிந்து தலை உள்ளடக்கிக் கால்களைத் தரையில் அடித்துக் கொண்டு கீழே இறங்கியது. பிச்சியும் பிடி விடாமல் கூடவே இறங்கி, கால்களைத் தரையில் பதித்து நிலைக்கத் துளாவினான். ஆனால், அவன் நிலைக்கு முன்பே மறுபடியும் காளை எம்பித் தவ்வி விட்டது.

“பிடியை விட்டுடாதே! விட்டுடாதே!” கூட்டத்திலிருந்து பதறி ஆர்ப்பரித்த கத்தல்கள்.

“ஒரு தவ்வுக்கு நின்றுட்டானடா!”

“இரண்டாவது தவ்வுல உருட்டிரும்!”

“கிழக்கத்தியான் கை அந்தாவே தொங்குதுடா!”

“ஓ! இரண்டு தவ்வுக்கு நின்றுட்டான்!”

“வாடிபுரம் காளை பிடிபட்டுப் போச்சு!”

“பிச்சி, பிச்சி! விட்டுடாதே, இந்த ஒரு தவ்வுதான்!”

“காளையும் வேடைக் குதுதடாய்! மூன்றாவது எம்புற உரமில்லை!”

ஒரு தவ்வு, இரண்டு தவ்வு, மூன்றாவது தவ்வுக்கும் அவன் நின்றுவிட்டான். மூன்று தடவையும் காளை அவனை உருட்டி எறிந்து கிழித்திருக்க வேண்டும்.

இந்த நாடகத்தின் கடைசி அங்கம் இருக்கிறது என்பது தெரிந்தும் அடக்க முடியாத களிவெறி கொண்ட கூட்டம் எம்பி எம்பிக் குதித்துக் கத்தியது.

“வாடிபுரம் காளை வாய் பிளந்துடுச்சுடா!”

“கிழக்கத்தியான் வென்றெடுத்துட்டான்!”

பிச்சி, காளையின் நெற்றித் திட்டில் கை போட்டு, கொம்புக்குக் கொம்பு மாறி மாறிச் சுற்றியிருந்த உருமாப் பட்டட்டைக்கு அடியில் கை கொடுத்து ஒரு இழு இழுத்தான். மெடல், அலங்காரச் சிறு தங்க ஜெகடுகள் கோர்த்திருந்த சங்கிலியுடன் பட்டுத்துணி அவன் கைக்குத் கொத்தோடு வந்துவிட்டது. அப்படியே வாயில் கவ்விக் கொண்டான். தரையில் பதித்த கால்களை அழுத்தித் திமிலைச் சேர்த்து, காளையை ஒரு தம் கொடுத்து எதிர்ப்பக்கமாகத் தள்ளிவிட்டு எகிறிப் பின்னால் பாய்ந்தான்.

ஆர்ப்பரித்த வாடிபுரம் கூட்டத்துக்குள் நெக்கி வரமுடியாமல் திணறி, பிச்சியே பார்க்கத் தவித்துக் கொண்டிருந்த கிழவன், “இந்தா மவனே” என்று உணர்ச்சிப் பெருக்கால் பிச்சியே பார்த்து, “உசிலனூர் அம்பிலியின் பேரைக்காப்பாத்திட்டடா. நீ மனுஷனுக்குப் பொறக்கலைடா, புலிக்குப் பொறந்த பேர்! சிவறத்தைச் சொல்றது!” என்று உருமாப் பட்டட்டையை நீட்ட, பிச்சியின் கண்களிலிருந்து ஆனந்தக் கண்ணீர் வழிந்து கொண்டிருந்தது.

---

ஆசிரியர் குறிப்பு (About the Author)

சி.சு. செல்லப்பா (1901 - 1998): இவர் சிறுகதை, புதினம், விமர்சனம், கவிதை, மொழிபெயர்ப்பு எனத் தமிழ் இலக்கியத்தின் பல துறைகளிலும் பங்காற்றியுள்ளார். நவீன தமிழ் இலக்கிய மறுமலர்ச்சிக்கு வித்திட்ட வரலாற்றுச் சிறப்புமிக்க 'எழுத்து' இதழினைத் தொடங்கி வெற்றிகரமாக நடத்தியவர். இவரது குறிப்பிடத்தக்க படைப்புகளில் 'வாடிவாசல்', 'சுதந்திர தாகம்', மற்றும் 'ஜீவனாம்சம்' ஆகியவை அடங்கும். இவரது பிரசித்தி பெற்ற 'சுதந்திர தாகம்' புதினத்திற்கு 2001-ஆம் ஆண்டுக்கான சாகித்திய அகாடமி விருது வழங்கிக் கௌரவிக்கப்பட்டது.