நாள் : 27-.10.25 முதல் 31.10.25.
வகுப்பு : மேல்நிலை இரண்டாம் ஆண்டு
பாடம் : தமிழ்
பாடவேளை :4
தலைப்பு : மெய்ப்பாடு
அற இலக்கியம் :திருக்குறள்
கற்றல் நோக்கம்
- மொழியில் உணர்வுகள் எவ்வாறெல்லாம் வெளிப்படுத்தப்படுகிறது என்பதை அறிந்து சுவைத்தல் மற்றும் பயன்படுத்துதல்.
- அற இலக்கியங்களில் உட்பொருளை அறிந்து அன்றாட வாழ்வில் பயன்படுத்தும் திறன் பெறுதல்
துணைக்கருவிகள்
- விளக்க பட அட்டைகள்,பணித்தாள்
ஆர்வமூட்டல் :
- உலகப் பொதுமறை என்று அழைக்கப்படும் நூல் எது?
- பாம்பைப் பார்த்தால் ஏற்படும் உணர்வு?
- அம்மா திட்டினால் ஏற்படும் உணர்வு என்ன?
இது போன்ற வினாக்கள் மூலம் ஆர்வமுறச் செய்தல்:
கற்பித்தல் செயல்பாடுகள்.
மெய்ப்பாடுகள்
- நகை, அழுகை, இளிவரல், மருட்கை, அச்சம், பெருமிதம்,வெகுளி, உவகை ஆகிய எண் வகை மெய்ப்பாடுகளைப் பாடத்தின் வழி நின்று விளக்குதல்.
திருக்குறள்
- அற இலக்கியமாகிய திருக்குறள் குறள் வெண்பாவில் அமைந்தது. ஒருவனுக்குப் பயனும் பாதுகாப்பும் தருவது அறிவு.நற்பண்புமிக்க இனத்தாரைக் காட்டிலும் சிறந்த துணை இவ்வுலகில் இல்லை,பகைவரிடம் விலகி இருத்தல், கள் உண்ணக்கூடாது, சூதாட்டம் வாழ்க்கையைச் சீரழித்து விடும் ஆகியவற்றைப் பற்றி குறள் வழி விளக்குதல்
கற்றல் செயல்பாடுகள்
- எண் வகை மெய்ப்பாடுகளைத் தங்களுடைய வாழ்க்கையில் பயன்படுத்திய பார்த்த நிகழ்வுகளை வைத்து வகுப்பறையில் உரையாடுதல்
- திருக்குறளைச் சீர் பிரித்து வாசித்தல்
- திருக்குறளில் பயின்று வரும் அணிகளை அறிதல்
கற்றல் விளைவுகள்:
- மெய்ப்பாடுகள் நம்முடைய ஒவ்வொரு செயலிலும் வெளிப்படும் பாங்கினை அறிந்து கொள்வர்
- அற இலக்கியமாகிய திருக்குறள் கூறும் கருத்துகளை வாழ்வில் பின்பற்றி மேன்மை அடைய கற்றுக் கொள்வர்
வலுவூட்டல்:
- மெய்ப்பாடுகள் தோன்றும் நிலைக்களன்களை வினாக்களாக கேட்டு சிறப்பாக விடை அளிக்கும் மாணவர்களைப் பாராட்டுதல்.
- திருக்குறளின் கருத்துகளை மீண்டும் கூறி ஒவ்வொரு அதிகாரத்திலும் சொல்லப்பட்டுள்ள கருத்துகளை மாணவர்களிடம் கேட்டு பதில் அளிக்கும் மாணவர்களைப் பாராட்டுதல்
குறைதீர்க்கற்றல் :
- மாணவர்களிடம் வினாக்கள் கேட்டு பதில் அளிக்க தடுமாறும் பகுதியை மீண்டும் ஒரு முறை விளக்கி கூறுதல்.
மதிப்பீடு:
"எளிய சிந்தனை வினா..
- திருவள்ளுவர் சிலைக்குத் தற்போது என்ன பெயர் சூட்டப்பட்டுள்ளது?
- வடமொழியார் கூறும் மெய்ப்பாடுகள் எத்தனை ?
நடுத்தர சிந்தனை வினா
- பெருந்தேர் புணர்ச்சி விதியைத் தருக
- அச்சம் தோன்றும் நிலைக்களன்கள் யாவை?
உயர் சிந்தனை:
- நிரல்நிறை அணியை விளக்குக.
- பெருமிதம், நகை தோன்றும் நிகழ்வுகளுக்குச் சான்று தந்து விளக்குக.
தொடர் பணி :
- திருக்குறள் அற்புத சுரங்கம் எனும் தலைப்பில் ஒரு கட்டுரை வரைக
- எட்டு மெய்ப்பாடுகளும் அமைந்தாற்போன்று ஒரு வாழ்வியல் நிகழ்வை எழுதுக
கருத்துகள் இல்லை:
கருத்துரையிடுக